“Bernli” klubi bosh murabbiyi Shon Daych “Liverpul”ga qarshi o‘yindan (1:2) so‘ng uchrashuv haqida o‘z fikrlarini bildirib o‘tdi.
“Hayronman. Bir ochkoni qo‘lga kiritdik deb o‘ylagandim. Bu mavsumdagi o‘yinimiz avvalgilaridan ancha farq qiladi. Endi kuchli jamoalarga qarshi qanday o‘ynashni bilamiz.
Oddiy golni o‘tkazib yubordik. Bunaqasi bo‘lib turadi. O‘z kuchimizga ishonib harakatlanashimiz menga yoqdi.
2017 yil biz uchun ajoyib o‘tdi. Rejadan chiqib ketdik. Chunki, rejamizda bunday syurprizlar yo‘q edi. Tassavur qiling, hushtak chalingandan so‘ng bir guruh bolalar maydonda g‘alaba uchun har narsaga tayyor ekanliklarini ko‘rsatishyapti. Biz kuchli tassavurni hayotga tadbiq qila oldik. “Liverpul” hujumida hali ham 35 million turadigan futbolchilar bor. Ularga yetakchilar yetishmadi”, - deydi Daych.
