«Chelsi» bosh murabbiyi Antonio Konte Angliya premyer-ligasining 22-turi doirasida bo‘lib o‘tgan «Arsenal»ga qarshi o‘yin (2:2) borasida o‘z fikrlarini bildirib o‘tdi.

«O‘ylaymanki, natijadan xafsalamiz pir bo‘lishi kerak. Bugun g‘alaba qozonish uchun ajoyib imkoniyatga ega bo‘lgandik. Lekin bu futbol. Natijani qabul qilishdan boshqa ilojimiz yo‘q.

Albatta, g‘alaba qozonish uchun ajoyib imkoniyatni qo‘ldan chiqarganingni his qilib, xafsalang pir bo‘ladi. Futbolchilar ham buni tushunib turishibdi. Biz birga ishlayapmiz, birga g‘alaba qozonamiz, birga durang o‘ynaymiz, birga mag‘lubiyatga uchraymiz. Takrorlayman, afsuski, biz bugun g‘alabaga munosib edik. Shuncha vaziyat yaratgandan keyin g‘alaba qozonish kerak, ammo hozir durangni muhokama qilyapmiz. Yaxshi jamoaga qarshi o‘yinda yaxshi durang qayd etildi, ammo biz g‘alabaga mos o‘yin ko‘rsatdik.

Morata borasida to‘xtaladigan bo‘lsam, hozir unga shunchaki omad yetishmayapti.U o‘z o‘yinini kuchaytirish uchun ishlashda davom etishi kerak. U ko‘p vaziyatlarga ega bo‘ldi, afsuski, ulardan foydalana olmadi. Shunga qaramay, men uning harakatlari va shijoatidan qoniqish hosil qildim», – dedi Konte.