«Челси» бош мураббийи Антонио Конте Англия премьер-лигасининг 22-тури доирасида бўлиб ўтган «Арсенал»га қарши ўйин (2:2) борасида ўз фикрларини билдириб ўтди.

«Ўйлайманки, натижадан хафсаламиз пир бўлиши керак. Бугун ғалаба қозониш учун ажойиб имкониятга эга бўлгандик. Лекин бу футбол. Натижани қабул қилишдан бошқа иложимиз йўқ.

Албатта, ғалаба қозониш учун ажойиб имкониятни қўлдан чиқарганингни ҳис қилиб, хафсаланг пир бўлади. Футболчилар ҳам буни тушуниб туришибди. Биз бирга ишлаяпмиз, бирга ғалаба қозонамиз, бирга дуранг ўйнаймиз, бирга мағлубиятга учраймиз. Такрорлайман, афсуски, биз бугун ғалабага муносиб эдик. Шунча вазият яратгандан кейин ғалаба қозониш керак, аммо ҳозир дурангни муҳокама қиляпмиз. Яхши жамоага қарши ўйинда яхши дуранг қайд этилди, аммо биз ғалабага мос ўйин кўрсатдик.

Мората борасида тўхталадиган бўлсам, ҳозир унга шунчаки омад етишмаяпти.У ўз ўйинини кучайтириш учун ишлашда давом этиши керак. У кўп вазиятларга эга бўлди, афсуски, улардан фойдалана олмади. Шунга қарамай, мен унинг ҳаракатлари ва шижоатидан қониқиш ҳосил қилдим», – деди Конте.