Madridning «Real» klubi bosh murabbiyi Zinedin Zidan Ispaniya kubogi 1/8 finali doirasidagi «Numansiya»na qarshi birinchi bahsdan so‘ngi o‘z fikrlarini bildirib o‘tdi.
«Natijadan qoniqdim, albatta, safarda 3:0 hisobida g‘alaba qozonish ajoyib holat.
Ha, ikkinchi bo‘limda qandaydir qiyinchiliklarga uchradik. Raqib o‘zining eng yaxshi o‘yinini ko‘rsatdi. Ammo bunday holatlar futbolning bir bo‘lagi. Final hushtagi yangragandan keyin esa eng muhimi natija hisoblanadi.
Beyl uchun alohida rejamiz bor edi. U deyarli bir soat davomida o‘ynagan bo‘lsa, hech qanday muammoga uchramadi. Bundan xursandmiz va shu yo‘sinda yo‘l tutishda davom etamiz.
Muhimi, sekin-asta uning barqarorligini qaytarish» - deydi Zidan.
