Мадриднинг «Реал» клуби бош мураббийи Зинедин Зидан Испания кубоги 1/8 финали доирасидаги «Нумансия»на қарши биринчи баҳсдан сўнги ўз фикрларини билдириб ўтди.
«Натижадан қониқдим, албатта, сафарда 3:0 ҳисобида ғалаба қозониш ажойиб ҳолат.
Ҳа, иккинчи бўлимда қандайдир қийинчиликларга учрадик. Рақиб ўзининг энг яхши ўйинини кўрсатди. Аммо бундай ҳолатлар футболнинг бир бўлаги. Финал ҳуштаги янграгандан кейин эса энг муҳими натижа ҳисобланади.
Бэйл учун алоҳида режамиз бор эди. У деярли бир соат давомида ўйнаган бўлса, ҳеч қандай муаммога учрамади. Бундан хурсандмиз ва шу йўсинда йўл тутишда давом этамиз.
Муҳими, секин-аста унинг барқарорлигини қайтариш» - дейди Зидан.
