Angliya futbol assosiasiyasi Londoning “Arsenal” klubi bosh murabbiyi Arsen Vengerni uchta o‘yinga diskvalifisiya qildi.
68 yoshli murabbiy “Vest Bromvich”ga qarshi o‘yindan (1:1) so‘ng hakamni haqorat qilgani uchun jazolandi. Venger o‘yindan so‘ng hakaamlar yechinish xonasiga kirib ular manziliga turli xil haqoratli so‘zlar yo‘llagan.
Endilikda Venger “Nottingem Forest”, “Chelsi” va “Bornmut”ga qarshi o‘yinlarni tomoshabin sifatida o‘tkazishga majbur bo‘ladi.
Xabarlarga ko‘ra, murabbiy 40 ming funt jarima puli ham to‘lagan. Venger “Chelsi”ga qarshi o‘yin (2:2) dan so‘ng hakamlarni masxarabozlar o‘xshatgani uchun yana jazolanishi ham mumkin ekan.
