Argentinaning «Boka Xuniors» klubi matbuot xizmati o‘zi tarbiyalanuvchilaridan biri mashhur hujumchi Karlos Tevesning jamoaga qaytgani haqida rasman ma’lum qildi.
33 yoshli futbolchi oldinroq Xitoyning «Shanxay Shenxua» klubi bilan shartnomani bekor qilgandi. Teves chin yurti jamoasida 2016 yildan buyon to‘p surardi.
Karlos o‘zining professional faoliyatini «Boka»da boshlab u yerda 2005 yilgacha to‘p surgan. Shundan so‘ng Braziliyaning «Korintians» klubiga ko‘chib o‘tgandi. Karlitos shuningdek 2015 – 2016 yil mavsumini ham jonajon jamoasi safida o‘tkazgandi.
Uning Yevropa maydonlaridagi sayohati esa barchaga ma’lum.
