Аргентинанинг «Бока Хуниорс» клуби матбуот хизмати ўзи тарбияланувчиларидан бири машҳур ҳужумчи Карлос Тевеснинг жамоага қайтгани ҳақида расман маълум қилди.
33 ёшли футболчи олдинроқ Хитойнинг «Шанхай Шэньхуа» клуби билан шартномани бекор қилганди. Тевес чин юрти жамоасида 2016 йилдан буён тўп сурарди.
Карлос ўзининг профессионал фаолиятини «Бока»да бошлаб у ерда 2005 йилгача тўп сурган. Шундан сўнг Бразилиянинг «Коринтианс» клубига кўчиб ўтганди. Карлитос шунингдек 2015 – 2016 йил мавсумини ҳам жонажон жамоаси сафида ўтказганди.
Унинг Европа майдонларидаги саёҳати эса барчага маълум.
