Angliya terma jamoasining sobiq bosh murabbiyi Stiv Maklaren Ross Barklining transferi haqida fikrlarini bildirib o‘tdi.
“Menimcha, “Chelsi” va Barkli uchun yaxshi yurish bo‘ldi. Ba’zida o‘z jamoangizda uzoq muddatga qolib har xil darajada futbol o‘ynashga to‘g‘ri keladi. Antonio Konte unga tegishli narsani bera oladi, ya’ni tartibli o‘yinni. Boshqargan jamoalarim bilan bir nechta o‘yinda Barkliga qarshi o‘ynaganmiz. O‘shanda Ross bizni o‘ynashimizga qo‘yib bermagandi, lekin uning o‘yinida tartibsizlik bor edi. “Chelsi”da u yangi bosqichga o‘tishiga ishonaman”, - deydi Maklaren.
