“Barselona” va “Liverpul” klublari yarim himoyachi Filipe Koutinyo transferi bo‘yicha yakuniy qarorni qabul qilishdi. Bu haqda “The Times” nashri xabar bermoqda.

Xabarda aytilishicha, kataloniyaliklar Braziliya terma jamoasi a’zosi uchun 142 million funt (160 million yevro) to‘laydi.

Koutinyo transferi qimmatligi bo‘yicha Angliya futboli uchun rekord va butun jahonda Neymar (“Barselona”dan PSJga 222 million yevro) va Kilian Mbappe (“Monako”dan PSJga 180 million) lar transferidan keyin uchinchi eng qimmat transfer sifatida qayd etiladi. Koutinyo vakillari yaqin fursatlarda transfer rasman e’lon qilinishini tasdiqlashdi.

Angliya va Ispaniyaning yetakchi nashrlari (The Telegraph, Sky Sports, Goal.com, As, Marca) va klublarga yaqin manbalar (Sport.es, Liverpool Echo) ham transfer amalga oshishi haqida yozishmoqda.

Eslatib o‘tamiz, avvalroq “Barselona” Koutinyo transferi uchun angliyaliklarga 120 million yevro va bonuslar miqdorida 40 million to‘lab berishi haqida xabar bergandik.

Ma’lumot uchun, Koutinyo “Liverpul”da 2013 yildan beri faoliyat ko‘rsatib kelardi.