2018 yildan boshlab O‘zbekiston chempionati yuqori divizioni Superliga deya nomlanadi va unda yurtimizning eng yetakchi 12ta klubi ishtirok etadi.

O‘FF tomonidan o‘zbek futbolini isloh etish borasida olib borilayotgan keng ko‘lamli ishlar xususida “Mash’al” klubi futbolchisi Avaz Agaliyev o‘z fikrlarini bildirib o‘tdi:

 - O‘zbekiston Futbol Federasiyasi tomonidan yurtimizda futbolni yanada rivojlantirish bo‘yicha amalga oshirilayotgan islohotlar taqsinga sazovor. Zero ayni paytda qilinayotgan o‘zgarishlar yaqin vaqt ichida o‘z samarasini beradi. Shu jumladan, Superliganing tashkil etilayotgani ham kishini quvontirmay qo‘ymaydi, albatta. Endilikda yuqori divizionning har bir uchrashuvi shiddatli tarzda kechadi. Bu esa muxlislarimizning futbolimizga bo‘lgan qiziqishini orttirishi tabiiy. Ishonamanki, tez fursat ichida bizning futbol ham Osiyo miqiyosida yetakchi pog‘onalarga chiqadi, - deydi mahoratli futbolchi.