Xabar berib o‘tganimizdek, “So‘g‘diyona” mavsumga tayyorgarlikni davom ettirmoqda. Aleksandr Mochinov qo‘l ostida jamoa yig‘in davomida bir nechta o‘rtoqlik uchrashuvlarini o‘tkazishni rejalashtirgandi.

Xuddi shunday o‘rtoqlik uchrashuvlardan biri bugun Toshkentda bo‘lib o‘tdi. Unda sparring raqib sifasida “Nasaf” jamoasi tanlandi.

Birinchi bo‘lim teng kurashlar ostida kechdi. Har ikkala jamoada ham bir nechta golli vaziyatlar yarata oldi. Birinchi bo‘lim so‘nggida Dragan Cheran jarima zarbasidan gol kiritishga muvaffaq bo‘ldi. Shu tariqa birinchi bo‘lim 1:0 hisobida yakun topdi.

Ikkinchi bo‘lim ham juda qiziqarli bo‘ldi. Shuni aytish joizki “So‘g‘diyona” ikkinchi bo‘limda ancha hujumkor o‘ynadi. Ammo qarshi hujum qilgan “ajdarlar” yana jizzaxliklar darvozasini ishg‘ol qilishdi. Dragan Cheran o‘yinda dublga erishdi.

Ikkinchi bo‘limda “So‘g‘diyona”da ham bir nechta golli vaziyatlar bo‘ldi, ammo ulardan unumli foydalanilmadi. O‘yin so‘nggida hakam tomonidan darvozamizga penalti belgilandi. Shu kunga qadar “So‘g‘diyona” sardori sifatida faoliyat olib borgan Sanjar Rashidov qarshiliklar safidan o‘rin olib, penaltidan  unumli foydalandi. O‘yin 3:0 “Ajdar”lar foydasiga yakunlandi.

“So‘g‘diyona”: Shirinboy Abdullayev, Elyor Orifov, Sardor Qulmatov, Sardor Eminov , Shoxrux Xolmatov ,Otabek Haydarov, Umid Qodirov, Azamat Isroilov, Obid Hakimov, Izzatilla Abdullayev ,Farxod Miraxmatov.
Zaxira: Sherzod Jalilov, Saxob Rashidov ,Jasur O‘rinov, Fazliddin Isoimddinov ,Ibrohim Qodirov, Oybek Nurmatov.

“So‘g‘diyona” matbuot xizmati