O‘zbekiston olimpiya terma jamoasi Xitoyda bo‘lib o‘tayotgan Osiyo chempionatidagi dastlabki uchrashuvini Qatar terma jamoasiga qarshi o‘tkazdi.
Vakillarimiz birinchi bo‘limni ancha faol o‘tkazishdi. Ammo 1-taymda gol kiritish hech qaysi jamoaga nasib qilmadi. Ikkinchi bo‘limni qatarliklar hujumkor ruhda boshlashdi. Bu esa tez orada o‘z samarasini berdi. 55-daqiqada Almuaz Ali himoyachilarimizning xatosidan unumli foydalanib, hisobni ochishga muvaffaq bo‘ldi.
Shundan so‘ng Ravshan Haydarov shogirdlari hisobni tenglashtirish uchun astoyidil harakat qilishdi. Bir vaziyatda Jasur Yaxshiboyev tomonidan uzatilgan to‘pni Zabihillo O‘rinboyev yaqin masofadan darvozaga aniq yo‘llay olmadi.
Shu tariqa Osiyo chempionatidan o‘rin olgan dastlabki uchrashuvda vakillarimiz kichik hisobda mag‘lubiyatga uchrashdi.
Eslatib o‘tamiz, guruhdan o‘rin olgan 1-uchrashuvda Xitoy terma jamoasi Ummonni yirik 3:0 hisobida taslim etgandi.
O‘zbekiston olimpiya terma jamoasi guruhdagi keyingi o‘yinni 12 yanvar kuni o‘tkazadi. Uchrashuv Toshkent vaqti bilan soat 13:00da boshlanadi.
Osiyo chempionati U-23
Qatar OTJ - O‘zbekiston OTJ 1:0
Gol: A.Almuaz (55)
Changjou, “Olympic Sports Centre” stadioni.
Qatar OTJ: 22.Muhammad al-Bakari, 2.Tariq Salmon, 5.Tamiym al-Muhaza, 6.Abdulla al-Ahrak (23.Xolid Muhammad, 72), 8.Ahmad Muyin (s), 10.Akram Afif, 13.Sulton al-Brake, 15.Bassam al-Raviy, 16.Hishom Ali (Meshal Al-SHamariy, 85), 19.Almuiz Ali, 20.Salom al-Hajriy.
O‘zbekiston OTJ:12.Dilshod Hamroyev, 13.Islomjon Qobilov, 2.Rustam Ashurmatov, 3.Hojiakbar Alijonov, 4.Akrom Komilov, (16.D.Narzullayev, 52) 6.Azizjon G‘aniyev (11. Andrey Sidorov, 84), 7.Odilbek Hamrobekov, 8.Jasur Yaxshiboyev, 17.Doston Hamdamov (22.Bobur Abdixoliqov, 76), 10.Javohir Siddiqov, 9.Zabihillo O‘rinboyev.
Ogohlantirishlar: D.Hamdamov (29), A.Ahrak (45), M. al-Bakari (73), Bassam al-Raviy (78).
