Yangi yil arafasida Braziliyaning San-Paulo shahrida xayriya uchrashuvi bo‘lib o‘tdi.
Unda «Real»ning sobiq o‘yinchisi Roberto Karlos ham ishtirok etdi. Uchrashuvdan oldin Karlos jurnalistlarni qiziqtirgan savollarga javob berdi.
Vinisius Junior haqida
- Ajoyib futbolchi. Ayni paytda uni «Real» safida o‘ynashga tayyor deb aytolmayman. Ammo madridliklar uni kelajak uchun xarid qilganliklari yaxshi bo‘ldi.
Yevropaga ko‘chib o‘tganidan so‘ng u nafaqat futbolchi sifatida, balki shaxs sifatida ham o‘sadi. «Real» sharafini himoya qilish uning uchun faxr bo‘lishi kerak. Unga omad tilayman. Ishonchim komilki, Madridda muxlislar kumiriga aylanadi.
Do‘stlari va dushmanlari haqida
- Dushmanlarim yo‘q. Ronaldo mening do‘stim emas, balki ukamdir. Zidan do‘stim. Raul, Fernando Yerro, Rivaldo, Ronaldinyo, Kaka, Denilson... Bir so‘z bilan aytganda, dushmanlarimdan ko‘ra do‘stlarim ko‘p.
Krishtianu Ronaldu haqida
- Hozir futbol haqida gapirsak, Neymar, Messi va Krishtianuni eslaymiz. Ronaldu ko‘p ishladi va hammasiga haqli. Agar gap «Oltin to‘p» yoki qandaydir so‘rovlar haqida ketsa, unda oddiy insonlar ishtirok etishmaydi. Balki futbolni tushunadigan, futbol statistikasi bilan shug‘ullanadiganlar ovoz berishadi.
Har kuni qanday mashq qilishini ko‘raman.Mashg‘ulotlarga bunchalik e’tibor berishi tahsinga loyiq. Ronaldu har bir uchrashuvda eng yaxshi bo‘lishni istaydi. Uning Messi bilan farqi shunda. Leo - fenomenal o‘yinchi. Neymar haqida gapirmasa ham bo‘laveradi.
Zidan bilan munosabatlari haqida
InterFutbol.uz ning Telegram dagi sahifasiga ulaning – eng so‘nggi yangiliklar, qiziqarli bloglar va tahliliy materiallar endi bir to‘plamda.
