"Manchester Siti" bosh murabbiyi Xosep Gvardiola dekabr oyi natijalariga ko‘ra, APLning eng yaxshi murabbiyi deb topildi.
Ispaniyalik mutaxassis bu nomga ketma-ket 4-marta sazovor bo‘lmoqda. Gvardiola avvalroq 2017 yilning sentyabr, oktyabr va noyabr oylarida eng yaxshi deb topilgan edi.
Gvardioladan tashqari bu nomga Sem Ellardays ("Everton"), Antonio Konte ("Chelsi"), Roy Xodjson ("Kristal Pelas"), Yurgen Klopp ("Liverpul") va Maurisio Pochettino ("Tottenhem Xotspur") kabi murabbiylar kurashdilar.
"Manchester Siti" dekabrda APLning 7 uchrashuvida 6 g‘alaba va bir durangga erishgan.