«Bristol Siti» klubi «Liverpul» yarim himoyachisi Rayan Kentni ushbu mavsum oxirigacha ijaraga oldi. Bu haqda jamoa rasmiy sayti ma’lum qildi.

21 yoshli futbolchi mavsumning birinchi yarmini «Frayburg» safida o‘tkazdi. Kelishuv mavsum so‘nggigacha amal qilishi kerak edi, biroq «qizillar» Kentni qishda ortga qaytardilar. Sabab qilib esa futbolchiga yetarli o‘yin amaliyoti berilmagani aytilgan.

Kent yangi jamoasida 40-raqam ostida to‘p suradi. «Bristol Siti» 26-turdan so‘ng Chempionshipda 4-o‘rinni egallab turibdi.