"Barselona" hujumchisi Usmon Dembele La liganing 19-turi doirasida "Real Sosyedad"ga qarshi bo‘lib o‘tgan o‘yinda jarohat oldi. Kataloniyaliklar rasmiy saytining xabar tarqatishicha, futbolchining chap oyog‘i son qismidagi mushagida uzilish yuzaga kelgan.
Avvalroq futbolchi shunga o‘xshash jarohat tufayli operasiya qilingandi. Bu galgi jarohat avvalgisi bilan bog‘liq emasligi aytilmoqda. Mazkur jarohat tufayli Usmon 3-4 haftaga safdan chiqdi. YECHL doirasida 20 fevral kuni bo‘ladigan "Chelsi"ga qarshi o‘yinda Dembelening ishtirok etishi so‘roq ostida qolmoqda.