"Барселона" ҳужумчиси Усмон Дембеле Ла лиганинг 19-тури доирасида "Реал Сосьедад"га қарши бўлиб ўтган ўйинда жароҳат олди. Каталонияликлар расмий сайтининг хабар тарқатишича, футболчининг чап оёғи сон қисмидаги мушагида узилиш юзага келган.
Аввалроқ футболчи шунга ўхшаш жароҳат туфайли операция қилинганди. Бу галги жароҳат аввалгиси билан боғлиқ эмаслиги айтилмоқда. Мазкур жароҳат туфайли Усмон 3-4 ҳафтага сафдан чиқди. ЕЧЛ доирасида 20 февраль куни бўладиган "Челси"га қарши ўйинда Дембеленинг иштирок этиши сўроқ остида қолмоқда.