Angliya chempionatining 23-turidan o‘rin olgan “Manchester Yunayted” hamda “Stok Siti” jamoalari o‘rtasidagi uchrashuv yakuniga yetdi. Unda “qizil iblislar” yirik 3:0 hisobida g‘alaba qozonishdi.
Dastlab, 9-daqiqada Antonio Valensiya Pogbaning uzatmasidan so‘ng o‘tkir burchakka yo‘llagan zarbasi bilan hisobni ochdi. Oradan 30-daqiqa o‘tib, Antoni Marsial ham uzoq masofadan chiroyli tarzda raqib darvozasini ojiz qoldirdi. “Stok Siti”ning ayrim hujumlari xavfli ko‘rinish oldi. Ammo De Xea bu vaziyatlarda “qizil iblislar” joniga oro kirib turdi. Hisobni yiriklashtiruvchi gol 72-daqiqada Romelu Lukaku tomonidan kiritildi. Raqib jarima maydonchasiga oshirib berilgan to‘pni belgiyalik futbolchi darvozaga joylab qo‘ydi va jamoasining yirik g‘alabasiga hissasini qo‘shdi.
APL, 23-tur.
Manchester Yunayted – Stok Siti 3:0.
Gollar: 1:0 – 9 Valensiya, 2:0 – 38 Marsyal, 3:0 – 72 Lukaku.
Manchester Yunayted – De Xea, Jons, Shou, Valensiya, Smolling, Mata (Maktomini, 83), Matich, Pogba, Lingard (Fellayni, 80), Marsyal (Reshford, 80), Lukaku.
Stok Siti – Batlend, Zuma, Taymon (Vimmer, 46), Bauer, Martins Indi, Shakiri, Fletcher, Allen, Ayrlend, Shupo-Moting (Sobxi, 61), Krauch (Diuf, 70).
Ogohlantirishlar: Lingard (63), Lukaku (67), Ayrlend (68).
