“Barselona” klubi bosh murabbiyi Ernesto Valverde “Espanyol”ga qarshi uchrashuv oldidan jamoaning yangi a’zosi Yerri Mina hozircha maydonga tusha olmasligini aytib o‘tdi.
“Afsuski, Mina bugun o‘ynay olmaydi. Chunki uning transferi hozircha ro‘yxatdan o‘tkazilmagan. Agar Mina tayyor bo‘lganda, uni tarkibda tushirgan bo‘larmidim. Bilmayman hayollar bilan yashashni yoqtirmayman.
Mina jamoaga tezda o‘rganib ketdi, barchaning kayfiyatini ko‘taradi. Yerrini “Barselona” futbolchilari iliq kutib olishdi, o‘ylaymanki, u jamoaga yordam bera oladi.
Biz unga ishonamiz, Minani “Barselona”da uzoq yillik faoliyat kutib turgan bo‘lishi mumkin. Albatta, Yerrini yaqin kunlarda maydonda ko‘ramiz”, – dedi Valverde.
