“Manchester Siti” klubi bosh murabbiyi Xosep Gvardiola transferlar bozorida futbolchilarning narxi haqida gapirib o‘tdi.

“Balki, “Siti” kelajakda transferlar xaridi uchun 100 milliondan ortiq sarflashi mumkin. Albatta, biz ham boshqa klublar kabi yetarli sarmoyaga egamiz. Tarkibni almashtirishimiz kerak, lekin keyingi yil futbolchilarning narxi osmonga chiqadi.

Aynan shunga tayyorgarlik ko‘rishimiz kerak, aniq bilaman keyingi yil futbolchilar yana qimmatlashadi.

Hech qachon klub rahbariyatidan “shu futbolchini sotib olasizlar” deb ta’sir o‘tkazmaganman. Men faqat klub ichidagi masalalarni hal qilishim mumkin. Albatta, biz boshqa variantlarni ham ko‘rib chiqamiz. Eng asosiysi jamoa natijalari”, - dedi Gvardiola.

Eslatib o‘tamiz, “Manchester Siti” “Arsenal” yarim himoyachisi Aleksis Sanchesni haftasiga 350 ming funt maosh so‘ragani uchun sotib olmagandi.