“Shalke” klubi muxlislari bugun “Gannover”ga qarshi uchrashuv (1:1) oldidan yarim himoyachi Leon Goretska qarshi bannerlar ko‘tarishdi.
Muxlislar 22 yoshli xavbeknnig “Bavariya”ga o‘tishidan norozi ekanliklarini isbotlashdi.
Tribunalardagi banerlarning birida: “Pul, sovrin bizning jamoa uchun muhim emas. Kim agar buni qadriga yetmasa, bemalol yo‘qolib ketishi mumkin”, deya yozilgan so‘zlar bor edi.
Bundan tashqari, “Sen 1000 dan ortiq do‘stingni shunchaki hissiyotsiz sovrinlarga almashtirding”, – deya yozilgandi boshqa banerda.
Natijada Goretska o‘yinning 63-daqiqasida muxlislar hushtagi ila maydonni tark etishga majbur bo‘ldi.
