"Paxtakor" yoshlar jamoasi mavsumga tayyorgarlik jarayonini olib bormoqda.
23 dekabrdan boshlangan mashg‘ulotlar Toshkent va Qibrayda davom ettirilmoqda. "Paxtakor" akademiyasining bir qator bitiruvchilari yoshlar jamoasi tarkibidan o‘rin olish uchun harakat qilishmoqda. Mashg‘ulotlarda 30 nafar yosh o‘yinchilar ishtirok etishyapti.
Hozirgacha uch nazorat o‘yini o‘tkazildi. "Lokomotiv" BFKdan 4:2 hisobida ustun kelgan yoshlarimiz "Sergeli"ga 1:2 hisobida imkoniyatni boy berishdi. "Lokomotiv" yoshlari bilan golsiz durang qayd etildi - 0:0.
