Rafinya Alkantaraning “Barselona”dan “Inter”ga transferi tafsilotlari ma’lum bo‘ldi.
Diario Sport nashrining xabariga ko‘ra, futbolchining shartnomasida “Inter” uni 35 million yevro evaziga sotib olishi mumkinligi ko‘rsatib o‘tilgan.
Agar “Inter” Italiya chempionatida yuqori 4 o‘rinning birini olib, YECHL musobaqasiga yo‘l oladigan bo‘lsa, o‘z-o‘zidan Rafinya to‘liq italiyaliklar futbolchisiga aylanadi. Aniqrog‘i, “Inter” Rafinyani sotib olish shartini ado etadi. Shuningdek, italiyaliklar futbolchining kelajakdagi harakatlariga qarab, yana 3 million mukofot puli qo‘shib berishlari mumkin.
