Toshkentda mavsumga hozirlik ko‘rayotgan “Navbahor” bugundan navbatdagi o‘quv-mashg‘ulot yig‘iniga kirishdi. Ikki kun davomida hordiq chiqargan futbolchilari bugun kunning ikkinchi yarmida yana poytaxtimizda to‘planishdi.
Ayni paytda “Navbahor” a’zolari Qibraydagi o‘quv-mashg‘ulot bazasida dastlabki mashg‘ulotni o‘tkazishmoqda. Bu safargi yig‘in davomida ham bir nechta nazorat o‘yinlarini o‘tkazish ko‘zda tutilgan. Rejaga ko‘ra dastlabki uchrashuv 28 yanvar kuni bo‘lib o‘tadi. Shu kuni “Navbahor”ga Jizzaxning “So‘g‘diyona” klubi raqiblik qiladi. Keyingi uchrashuv esa 31 yanvar sanasiga belgilangan. Ikkinchi nazorat o‘yinida “Andijon” jamoasiga qarshi bahs olib boriladi. 2 fevralda esa Navoiyning “Qizilqum” klubiga qarshi o‘ynaladi.
“Navbahor” FK matbuot xizmati.
