Yangi mavsumga tayyorgarlik olib borayotgan Toshkentning “Lokomotiv” klubi 2018 yildagi ilk xorij yig‘inini yakunladi.
“Temiryo‘lchilar” jamoasi dastlabki o‘quv-mashg‘ulot yig‘inini BAAning Dubay shahrida tashkil etishdi. O‘zbekiston chempioni yig‘in mobaynida kuniga 2 mahaldan mashg‘ulotlar o‘tkazdi va 3ta nazorat bahsida maydonga tushdi. “Loko” dastlab Shotlandiyaning “Aberdin” klubini 2:0 hisobida mag‘lub etdi. So‘ngra Rossiyaning “Rubin” jamoasi bilan 0:0 hisobida durang o‘ynaldi. So‘nggi nazorat bahsida esa “Krasnodar”ga 1:2 hisobida imkoniyat boy berib qo‘yildi.
Bugun “Lokomotiv” ilk xorij yig‘inini yakunladi va yurtimizga qaytib keldi. Jamoa endi navbatdagi xorij yig‘inini o‘tkazish uchun Turkiyaga yo‘l oladi va yangi mavsum oldidan asosiy tayyorgarlik jarayoniga kirishadi.
