"Paxtakor" 25 yanvar kuni yangi mavsum oldidan jamoa safiga kelib qo‘shilgan va qaytgan o‘yinchilarni ishqibozlarga tanishtiradi.
Yangi shartnoma imzolangan Farruh Sayfiyev, Akmal Shorahmedov, Bahrom Abdurahimov, Dilshod Rahmatullayev, shuningdek, boshqa klublardan ijaradan qaytgan Yegor Krimes va Jaloliddin Masharipov ishqibozlarga "Paxtakor" - "So‘g‘diyona" nazorat bellashuvidan oldin tanishtiriladi. Tanishtirish marosimi soat 13:45da "Paxtakor" stadionida boshlanishi rejalashtirilgan. O‘yin esa 14:00da boshlanadi.
Barcha OAV xodimlari va muxlislarni tanishtirish marosimi hamda nazorat uchrashuviga taklif qilamiz.