O‘zbekiston Davlat Jismoniy tarbiya instituti huzuridagi Jismoniy tarbiya va sport bo‘yicha mutaxassislarni ilmiy-metodik ta’minlash, qayta tayyorlash va ularning malakasini oshirish markazida “Bugungi kunda o‘zbek futbolining rivojlanishi yo‘lida olib borilayotgan islohotlar” mavzusida markaz tinglovchilari bilan seminar tashkil etildi.

Tadbirda O‘zbekiston futbol federasiyasi vise-prezidenti Shoakrom Isroilov, Hakamlar va inspektorlar boshqarmasi boshlig‘i Ma’mur Saidqosimov, Texnik bo‘limi boshlig‘i Shavkat Imamov ishtirok etdi.

Seminarda Shavkat Imamov “O‘zbekistonda Bolalar-o‘smirlar futboli” mavzusida ma’ruza qildi.

Shundan so‘ng O‘FF vise-prezidenti SH.Isroilov so‘zga chiqib “Bugungi kunda o‘zbek futbolining rivojlanishi yo‘lida olib borilayotgan islohotlar” mavzusida ochiq muloqotni tashkil etib, tinglovchilar tomonidan berilgan savollarga javob berdi. Shuningdek, Respublikamizdagi sport maktablaridan tashrif buyurgan murabbiylarga o‘z tavsiyalarini berib o‘tdi.

Ma’mur Saidqosimov O‘FF tomonidan hakamlar tayyorlash borasida olib borilayotgan ishlar yuzasidan so‘zga chiqib, tinglovchilarni qiziqtirgan savollarga javob berdi.