"Barselona" bosh murabbiyi Ernesto Valverde kataloniyaliklar safida debyut uchrashuvini o‘tkazgan Filippe Koutinyo haqida fikr bildirdi.
Futbolchi Ispaniya kubogi chorak finali doirasida "Espanyol"ga qarshi javob uchrashuvining ikkinchi bo‘limida maydonga tushdi.
"Biz Koutinyoga katta umidlar bog‘laganmiz. U bizning usulimizga juda mos tushadi. U o‘ziga bo‘lgan ishonchi va birga-bir vaziyatlarda aldab o‘tishi bilan bizga yordam berishi mumkin.
U har doim xavfli vaziyatlar paydo qilishi mumkin. Bugungi o‘yin oson bo‘lmadi ammo Koutinyo yaxshi o‘ynadi. Keling, keyin nimalar bo‘lishini kuzatamiz, bu faqat boshlanishi", - deydi Valverde.
