"Барселона" бош мураббийи Эрнесто Вальверде каталонияликлар сафида дебют учрашувини ўтказган Филиппе Коутиньо ҳақида фикр билдирди.
Футболчи Испания кубоги чорак финали доирасида "Эспаньол"га қарши жавоб учрашувининг иккинчи бўлимида майдонга тушди.
"Биз Коутиньога катта умидлар боғлаганмиз. У бизнинг усулимизга жуда мос тушади. У ўзига бўлган ишончи ва бирга-бир вазиятларда алдаб ўтиши билан бизга ёрдам бериши мумкин.
У ҳар доим хавфли вазиятлар пайдо қилиши мумкин. Бугунги ўйин осон бўлмади аммо Коутиньо яхши ўйнади. Келинг, кейин нималар бўлишини кузатамиз, бу фақат бошланиши", - дейди Вальверде.
