Tojikistonning mehnat, migrasiya va aholi bandligi vazirligi mamlakat fuqarolariga JCH-2018 paytida Rossiyaga bormaslikni tavsiya qildi.
Idora matbuot xizmati xabariga ko‘ra, 2018 yilning 25 may kunidan 25 iyul kunigacha, Rossiyaga tashrif buyurgan xorijliklar 1 kuni ichida migrasiya hisobidan o‘tishi shart.
Bu tartib Moskva, Sankt-Peterburg, Volgograd, Yekaterinburg, Qozon, Kaliningrad, Nijniy Novgorod, Rostov-na-Donu, Samara, Saransk va Sochi shaharlariga yashash va ishlash uchun tashrif buyuruvchilarga joriy qilindi.
Tojikiston fuqarolaridan bu tavsiyaga amal qilib, ko‘rsatilgan shaharlarga tashrif buyurishdan tiyilish so‘ralmoqda.
«Jahon chempionati paytida Rossiya shaharlarida xavfsizlik choralari kuchaytiriladi va kichik qoidabuzarlik ham jiddiy tarzda jazolanishi mumkin» - deyiladi xabarda.
