Тожикистоннинг меҳнат, миграция ва аҳоли бандлиги вазирлиги мамлакат фуқароларига ЖЧ-2018 пайтида Россияга бормасликни тавсия қилди.
Идора матбуот хизмати хабарига кўра, 2018 йилнинг 25 май кунидан 25 июль кунигача, Россияга ташриф буюрган хорижликлар 1 куни ичида миграция ҳисобидан ўтиши шарт.
Бу тартиб Москва, Санкт-Петербург, Волгоград, Екатеринбург, Қозон, Калининград, Нижний Новгород, Ростов-на-Дону, Самара, Саранск ва Сочи шаҳарларига яшаш ва ишлаш учун ташриф буюрувчиларга жорий қилинди.
Тожикистон фуқароларидан бу тавсияга амал қилиб, кўрсатилган шаҳарларга ташриф буюришдан тийилиш сўралмоқда.
«Жаҳон чемпионати пайтида Россия шаҳарларида хавфсизлик чоралари кучайтирилади ва кичик қоидабузарлик ҳам жиддий тарзда жазоланиши мумкин» - дейилади хабарда.
