Bugun Xitoyning Changjou shahrida 23 yoshgacha bo‘lgan futbolchilar o‘rtasidagi Osiyo chempionatining final bahsi bo‘lib o‘tadi. Vyetnamga qarshi o‘yin oldidin O‘zbekiston terma jamoasi yarim himoyachisi Odiljon Hamrobekov o‘z fikrlarini bildirib o‘tdi.

"Har bir uchrashuvdan keyin o‘z o‘yinlarimizni tahlil qilib bordik. Murabbiylar shtabi va futbolchilar xatolarimizni anglab, ularni bartaraf etish ustida ishladik. Guruh bosqichidan chiqib olganimizdan keyin biz uchun ortga yo‘l yo‘q edi. Guruh bosqichida xatoni to‘g‘rilash mumkin edi, ammo pley-off bosqichida har bir xato qimmatga tushardi. Shuning uchun jiddiy tayyorgarlik ko‘rdik. O‘ylaymanki, pley-off bosqichidagi o‘yinlarimiz muxlislarimizga ma’qul keldi.

Shuncha harakat qilib, finalgacha yetib keldik. Yurtdoshlarimiz bizdan maksimal natija kutyapmiz. Finalda borimizni berib o‘ynab, chempionlikni qo‘lga kiritmoqchimiz. Bu orqali vatandoshlarimizni xursand qilmoqchimiz", — dedi Hamrobekov.

Eslatib o‘tamiz, final o‘yini Vyetnam U23 va O‘zbekiston U23 terma jamoalari o‘rtasida Toshkent vaqti bilan 13:00da boshlanadi.