Futzal bo‘yicha O‘zbekiston terma jamoasi bosh murabbiyi Bahodir Ahmedov Yaponiyaga qarshi (2:4) kechgan Osiyo chempionati “B” guruhi 3-tur uchrashuvidan keyin matbuot anjumanida ishtirok etib, quyidagi fikrlarni bildirdi.
“O‘yinni yomon o‘tkazmadik, ammo raqibga nisbatan ko‘proq xatoga yo‘l qo‘ydik. Shu sababli Yaponiya bizni jazoladi va biz mag‘lubiyatga uchradik. Ikkinchi bo‘lim boshida hushyorlikni yo‘qotdik va tezkor gol o‘tkazdik. Yakunda bu o‘yin natijasiga ham ta’sir qildi. Keyingi o‘yinda xatolarni bartaraf qilib, yaxshiroq o‘yin namoyish qilishga harakat qilamiz”, – dedi Bahodir Ahmedov.
Ma’lumot uchun, “A” guruhida Vyetnam terma jamoasi 1-o‘rinni egalladi. Demak, O‘zbekiston termasi 8 fevral kuni aynan Vyetnamga qarshi bahslashadi. Ushbu o‘yin Toshkent vaqti bilan 16:00 da boshlanishi ko‘za tutilgan.
