“Bavariya” klubi hujumchisi Robert Levandovski yozda Madridning “Real” klubiga o‘tish istagida.

Xabarlarga ko‘ra, futbolchi jamoasini almashtirish bilan birga shaxsiy shartnoma imzolash bo‘yicha kelishib olishni rejalashtirgan.

“Bavariya” esa bunga javoban agar u faoliyatini Myunxenda davom ettirishni istamasa, uni qo‘yib yuborishga tayyor ekanligini aytib o‘tgan.

Xabarda aytilishicha, Levandovski “Real” rahbarlari bilan yaxshi aloqa o‘rnatgan va ular bilan doimiy aloqada bo‘lib turibdi. O‘tgan mavsumda ham Levandovskining “Real”ga o‘tishi haqida yangiliklar tarqalgandi.

Robertning “Bavariya” bilan tuzgan shartnomasi 2021 yilga qadar davom etadi, shartnomada esa tovon puli ko‘rsatilmagan.