Xitoy Taypeyida davom etayotgan futzal bo‘yicha Osiyo chempionatida O‘zbekiston terma jamoasi yarim finalda Osiyo «giganti» Eron terma jamoasiga qarshi bahs olib bordi. Bu o‘yinda vakillarimiz yirik hisobda mag‘lub bo‘lishdi.
Ushbu mag‘lubiyat terma jamoamizning hisob bo‘yicha 27-mag‘lubiyat sanaladi. Shu paytga qadar Eron bilan 28 bor to‘qnashgan terma jamoamiz atigi bir marta — o‘rtoqlik uchrashuvida durangga erishgan, xolos.
Endilikda terma jamoamiz 3-o‘rin uchun bahsda Iroq terma jamoasiga qarshi bahs olib boradi. 3-o‘rin uchun o‘yin 11 fevral kuni Toshkent vaqti bilan soat 13:00da boshlanadi.
OCH, yarim final.
Eron – O‘zbekiston 7:1
Gollar: Javid (3, 16, 16), Hasanzoda (4, 31) Tayebi (11, 36) - A.Rahmatov (40)
