“Tottenxem” klubi hujumchisi Xarri Keyn “Manchester Yunayted” tomonidan taklifni yozda ko‘rib chiqishga tayyor. Bu haqda Angliya OAVlari xabar berishmoqda.
Eslatib o‘tamiz, yarim yil ilgari “qizil iblislar” to‘purar futbolchini “Old Trafford”ga chorlashgandi, ammo Keyn shunga qaramay “Tottenxem”da qolishni ma’qul deb bilgan. Joze Mourinyo jamoasi endilikda yanada yaxshiroq taklif bilan murojaat qiladi.
Marca nashrining xabariga ko‘ra, Keyn qolgan faoliyatini qayerda davom ettirish haqida bosh qotirmoqda va murabbiy Maurisio Pochettinoning ketishi jamoada har qanday transfer amalga oshirilishiga yo‘l ochib berishi mumkin.
