"Napoli" klubi va Italiya terma jamoasi hujumchisi Lorenso Insinye o‘zining past bo‘yi tufayli futbol jamoalariga o‘ta olmaganini aytdi.
Futbolchining bo‘yi 163 sm.
"San-Paolo" stadionida "Napoli" futbolkasida o‘ynash har doim orzum bo‘lgan. Futboldan boshqa narsa haqida o‘ylamas edim. Ammo ulg‘ayib, turli jamoalar ko‘rigidan o‘tkanimda - "Inter", "Torino" va hatto "Napoli" klublarida skautlar menga bir narsani takrorlar edilar. Aniqrog‘i - otamga. "U bizga yoqdi ammo uning bo‘yi past."
Italiyada odamlar to‘g‘riso‘z. Bo‘yim tufayli meni hech qayerga olishmadi. Texnika, kuch, tezlik... Siz mashq qilib kuchayishingiz mumkin, ammo bo‘y? Nima qilishim kerak edi? Har kecha tuni bilan bo‘yim o‘sib qolishini istab uxlar edim. Ammo hech qanday o‘zgarish bo‘lmadi. Otamga "bo‘ldi, bas" dedim. Ammo u: "Xo‘p, yaxshi, ammo futboldan boshqa nima qilmoqchisan?" dedi va o‘yimdan qaytdim. Mahalliy maktabda shug‘ullanib yuraverdim, 15 yoshimda "Napoli"da imkoniyat berishdi.
Mana olti yildan buyon shu futbolkani kiyyapman, ammo gol urganimda xuddi birinchi marta gol urganday hissiyotlarni tuyaman", - deydi InsinYE.
