Yevropa ligasi musobaqasida 1/16 final bosqichi ortda qoldi. Bugun nimchorak finalga qur’a tashlash marosimi bo‘lib o‘tadi. Qur’a haqida barcha ma’lumotlarni e’tiboringizga havola qilamiz.

Ishtirokchi jamoalar
SSKA, «Lokomotiv», «Zenit» (barchasi — Rossiya), «Lasio», «Milan» (ikkisi — Italiya), «Arsenal» (Angliya), «Borussiya» Dortmund, «RB Leypsig» (ikkisi — Germaniya), «Atletik», «Atletiko» (ikkisi — Ispaniya), «Marsel», «Lion» (ikkisi — Fransiya), «Dinamo» Kiyev (Ukraina), «Red Bull» (Avstriya), «Viktoriya Plzen» (CHexiya) , «Sporting» (Portugaliya).

Qachon va qayerda?
Qur’a tashlash marosimi bugun, 23 fevral kuni UYEFAning shtab-kvartirasi joylashgan Shveysariyaning Nyon shahrida bo‘lib o‘tadi. Tadbir Toshkent vaqt bilan 17:00da boshlanadi.

Qur’a mexanizmi qanday?
Qur’a "ko‘r-ko‘rona" tamoyili asosida o‘tkaziladi. Barcha 16ta jamoa bitta savatchaga solinadi hamda ketma-ket tortiladi. Birinchi tortilgan jamoa dastlabki o‘yinni o‘z uyida ikkinchi tortilgan jamoaga qarshi o‘tkazadi. UYEFA ijroqo‘mi qaroriga ko‘ra, Rossiya va Ukraina jamoalari o‘zaro to‘qnash kelmaydi.

Qayerda tomosha qilish mumkin?
Marosimni FUTBOL TV, Match TV, Match Futbol-1 telekanallari orqali jonli efirda tomosha qilish mumkin.

O‘yinlar qachon o‘tkaziladi
Nimchorak final bosqichi o‘yinlari 8 va 15 mart kunlariga rejalashtirilgan. O‘yinlar Toshkent vaqti bilan 23:00 va 01:05ga belgilangan. Aniq taqvim qur’a marosimidan ma’lum bo‘ladi.

Keyingi bosqich o‘yinlari va qur’alar vaqti

16.03.18: chorak finalga qur’a tashlash marosimi
05.04.18: chorak final dastlabki o‘yinlar
12.04.18: chorak final javob o‘yinlari
13.04.18: yarim finalga qur’a tashlash marosimi
26.04.18: yarim final dastlabki o‘yinlar
03.05.18: yarim final javob o‘yinlari
16.05.18: final ("Stad-de-Lion")