"Barselona" bosh murabbiyi Ernesto Valverde Ispaniya chempionatidagi "Jirona"ga qarshi kechadigan o‘yin oldidan jamoasi o‘yiniga baho berdi.
"Barselona" barcha chempionatlarni hisobga olganda so‘nggi 5ta o‘yinning 3tasida durang qayd etdi.
"Men o‘yinimiz susaygan deb o‘ylamayman. Albatta, "Chelsi"ga qarshi o‘yinda ustunlikka ega bo‘lib, ko‘proq gol urishni ma’qul ko‘rardim, biroq bu yaxshi jamoa. Uyimizda o‘tgan ikki o‘yinda bizga oson bo‘lmadi, biroq bizda pasayish yo‘q", – dedi Valverde.
"Barselona" va "Jirona" o‘rtasidagi o‘yin 24 fevral kuni bo‘lib o‘tadi.
