Yevropaning kuchli chempionatlaridagi eng yaxshi dribling ustalari reytingi e’lon qilindi.

Unga ko‘ra, “Chelsi” a’zosi Eden Azar birinchi o‘rinni egalladi. Belgiyalik futbolchi bitta o‘yinda o‘rtacha 6,4 ta driblingni amalga oshirgan va samaradorligi 75 foizni tashkil etgan. Ikkinchi o‘rinda esa Neymar bormoqda, uning driblinglari soni Azarnikidan ko‘proq (7,3), ammo samaradorligi kam (62 foiz).

Uchinchi o‘rin Lionel Messiga nasib etdi. U bitta o‘yinda 5,5 marta driblingni amalga oshirgan va 62 foiz samaradorlikka erishgan.

Ahamiyatlisi, Krishtianu Ronaldu mazkur reytingning kuchli 20 taligiga ham kirmagan.