O‘z oldiga hamisha yuqori maqsadlar qo‘yuvchi Toshkentning “Lokomotiv” jamoasi yangi mavsum oldidan bir qator tajribali va mahoratli futbolchilar bilan o‘z safini to‘ldirib oldi.
“Temiryo‘lchilar” jamoasi shu bilan birgalikda tarkibga sekin-asta o‘z iste’dodini takomillashtirib borayotgan yosh futbolchilarni ham jalb etmoqda.
Shu paytga qadar “Andijon” jamoasi sharafini himoya qilib kelgan Farhod Bekmuratov bundan buyon “Lokomotiv” jamoasi safida faoliyat olib boradi.
“Temiryo‘lchilar” jamoasi safiga yaqindagina kelib qo‘shilgan yarim himoyachi Yoshlar Ligasi 1-tur o‘yinlari doirasida “Qizilqum”ga qarshi kechgan bellashuvda “Lokomotiv” uchun dastlabki uchrashuvini o‘tkazishga ham ulgurdi.
Farhod Bekmuratov endilikda Timur Kapadze butsilarini mixga ilgach bo‘sh qolgan 18-raqamda to‘p suradi.
