"Paxtakor" 10 mart kuni "Bunyodkor"ga qarshi kechadigan o‘yinga hozirlikka kirishdi.
"Jar" stadionida o‘tkazilayotgan mashg‘ulotlarda ayni paytda murabbiylar ixtiyorida bo‘lgan barcha futbolchi ishtirok etmoqda.
"So‘g‘diyona"ga qarshi bellashuvdan keyin bir kun dam olish imkoniyatiga ega bo‘lgan jamoa yakshanba kunidan tiklanish mashqlarini bajarib, mashg‘ulotlarga qaytishdi.
Dushanba kuni ular yana odatdagi tartibda shug‘ullanishga kirishishdi. 2-tur bellashuviga tayyorgarlik shu tariqa davom ettiriladi.
