Milliy olimpiya qo‘mitasi Prezidenti Umid Ahmadjonov o‘zbek sportida faoliyat olib borayotgan sportchi xotin-qizlarimizni 8 mart bayrami bilan tabrikladi.
Assalomu alaykum muhtaram opa-singillar!
Fursatdan foydalanib Sizlarni kirib kelayotgan 8 mart - xalqaro xotin-qizlar kuni munosabati bilan chin qalbimdan muborakbod etaman.
O‘zbek sportida Siz opa-singillarimizning tutgan o‘rni beqiyos. Yurtimiz sport yulduzlarini tarbiyalayotgan Svetlana Kuznesova, Roziya Yakubova, Gulnora A’zamova, Saida Mahmudova, Iroda To‘laganova, Saida Iskandarova, Sevar Karimova, Liliya Vlasova, Nellya Kiyamova, Natalya Yefimova, Alena Aksyonova, Sevara Ganiyeva kabi sport namoyondalari, Oksana Chusovitina, Yekaterina Xilko, Gulnoza Matniyazova, Svetlana Radzivil, Nadiya Dusanova, Nafisa Mo‘minova, Gulruhbegim Tohirjonova, Nigora Tursunqulova, Yodgoroy Mirzayeva, Muattar Nabiyeva, Sabina Sharipova, Anastasiya Serdyukova, Zaynab Dayibekova kabi o‘zbek sportini dunyoga olib chiqqan sport yulduzlari bilan xalqimiz doimo fahrlangan.
Bayram arafasida ushbu sportchilar timsolida o‘zbek sporti rivoji yo‘lida mehnat qilayotgan barcha opa-singillarimizni Milliy olimpiya qo‘mitasi, Olimpiya harakati ishtirokchilari va shaxsan o‘zim nomimdan samimiy qutlashga izojat bersangiz. Yurtimiz dovrug‘ini ko‘klarga ko‘tarishdan, vatanimiz uchun yangidan-yangi chempionlarni tarbiyalab berishdan aslo charchamang! Xonadoningizga tinchlik-xotirjamlik, dasturxoningizga qut-baraka tilayman. Yana bir bor bayramingiz bilan, aziz opa-singillar!
Hurmat va ehtirom bilan,
O‘zbekiston Milliy olimpiya qo‘mitasi Prezidenti Umid Ahmadjonov
