Ertaga Superligada 2-tur uchrashuvlari davom ettiriladi. Toshkentning “Lokomotiv” jamoasi o‘z uyida Bekobodning “Metallurg” jamoasini qabul qiladi.
Bugun mazkur o‘yin oldidan har ikki jamoa rasmiylari ishtirokida uchrashuv o‘tkazildi. Unda o‘yin tashkiliy masalalari muhokama qilindi. Shuningdek, ertaga jamoalar qanday rangdagi libosda maydonga chiqishlariga ham oydinlik kiritildi.
Unga ko‘ra, “Lokomotiv” ertangi bahsni to‘liq qizil rangdagi libosda o‘tkazadi. Mehmon jamoa vakillari esa to‘liq ko‘k rangli formada maydonga chiqadigan bo‘lishdi.
Ta’kidlab o‘tamiz, “Lokomotiv” – “Metallurg” uchrashuvi 9 mart kuni soat 20: 00da “Lokomotiv” stadionida bo‘lib o‘tadi.
