Superliganing 2-turidan o‘rin olgan “Qizilqum” – “Qo‘qon-1912” bahsi yakuniga yetdi. Unda mezbonlar 7354 nafar muxlis ko‘z ostida “Qo‘qon-1912” jamoasiga imkoniyatni boy berib qo‘yishdi.
57-daqiqada “Qizilqum” futbolchisi Mirjalol Qosimov hakam Ravshan Ermatov tomonidan ikkinchi marta ogohlantirish olib, maydonni tark etdi va shundan so‘ng navoiyliklarning ishlari orqaga ketishni boshladi.
Dastlabki, gol 79-daqiqada yuzaga kelgan penaltidan kiritildi. Qo‘qonliklar sardori Murod Holmuhamedov bu vaziyatda 11 metrlik jarima zarbasini to‘g‘ri amalga oshirib, hisobni ochdi.
87-daqiqada esa Suhrob Berdiyev yaqin burchakka aniq zarba yo‘llab, hisobni 0:2 ko‘rinishiga keltirdi va jamoasining mavsumdagi birinchi g‘alabasiga o‘z hissasini qo‘shishga muvaffaq bo‘ldi. “Qizilqum” esa ketma-ket o‘z maydonida ikkinchi mag‘lubiyatini tan oldi. Navoiyliklar 1-turni ham o‘z maydonlarida o‘tkazib, “Lokomotiv”dan yirik 0:3 hisobida mag‘lubiyatga uchrashgan edi.
Superliga. 2-tur
“Qizilqum” – "Qo‘qon-1912" 0:2
Gollar: Murod Xolmuhammedov (78 penalti), Suhrob Berdiyev (87).
“Qizilqum”: 77. Yevgeniy Cheremisin, 4. Erkin Boydullayev (s), 8. Akmal Rustamov, 10. Alisher Sanoyev (18. Samandar Shodmonov, 42), 11. Doniyor Usmonov, 14. Fayzulla Qambarov, 21. Muhsin Ubaydullayev, 23. Sherali Jo‘rayev, 30. Elguja Grigalashvili, 44. Mirjalol Qosimov, 84. Nemanya Yovanovich.
“Qo‘qon-1912”: 1. O‘tkir Yusupov, 5. G‘iyos Komilov, 9. Nosir Otaqo‘ziyev (29. Igor Taran, 79), 10. Javohir Sidiqov, 18. Bahodir Pardayev (17. Quvondiq Ro‘ziyev, 65), 19. Suhrob Berdiyev, 22. Murod Holmuhammedov, 23. Aleksandr Merzlyakov, 55. Darko Gojkovich, 65. Marko Milich, 96. Muhammadanas Hasanov (95. Milan Spremo, 83).
Ogohlantirishlar: Mirjalol Qosimov 16, Akmal Rustamov 77, Marko Milich 82,
Chetlatish: Mirjalol Qosimov 57 (ikkinchi sariq kartochka).
