Superliganing 2-tur doirasidagi “Nasaf” – “Buxoro” 3:1 uchrashuvidan keyin matbuot anjumani tashkil etildi. Matbuot anjumanining dastlabki qismida mehmonlar ustozi Ulug‘bek Baqoyev ishtirok etdi.
Ulug‘bek Baqoyev: “Nasaf”ni bugungi g‘alaba bilan tabriklayman. Uchrashuv qiziqarli va muxlislarbop bo‘ldi. Har ikkala jamoada gol urish uchun ko‘plab imkoniyatlar bo‘ldi. Ammo yaratilgan vaziyatlardan ko‘proq maydon egalari foydalanishdi. Biz imkoniyatlardan foydalana olmadik. Yigitlarga e’tirozim yo‘q, ular bugun yaxshi o‘yin ko‘rsatishdi.
Futbol xatolardan holi emas, shuning uchun kim kam xato qilsa, g‘alabaga erishadi. “Nasaf”ning darvozaboni ham mamlakatimizning kuchli darvozabonlaridan hisoblanadi. Uning ham bugun o‘z jamoasining g‘alabasiga qo‘shgan hissasi katta bo‘ldi. O‘yinda gol urish kerak, aks holda g‘alaba qozonib bo‘lmaydi.
