Ispaniya chempionati 28-turi doirasidagi «Malaga» - «Barselona» uchrashuvi o‘z poyoniga yetdi. Kataloniyaliklar Inyesta, Messi kabi yetakchilarisiz o‘ynashgan bo‘lsada uchrashuv taqdirini o‘zlariga ijobiy tarzda hal eta olishdi.
Dastlab 15-daqiqada Xordi Albaning havodan uzatilgan chiroyli pasini Suares boshi bilan zarba berib golga aylantirdi.
28-daqiqada Usmon Dembele oshirgan to‘pni Filippe Koutinyo darvozaga oraqasi bilan turishiga qaramay ayyorona zarba bilan golga aylantirdi – 0:2. Birinchi bo‘lim shu hisobda yakunlandi.
Ta’kidlab o‘tish joiz, 30-daqiqada «Malaga» futbolchisi Samu Garsiya Xordi Albaga butsasining tag qismi bilan juda jiddiy tarzda tashlandi va bu harakati uchun qizib kartochka olib maydonni tark etdi.
Ikkinchi bo‘limda «Barselona» kuch saqlash maqsadida asosiy e’tiborini to‘p nazoratiga qaratdi va albatta, kezi kelganda raqib darvozasiga xavf solib ham turdi.
Biroqhar ikki jamoada ham yetarlicha vaziyatlar bo‘lishiga qaramay, 0:2 hisobi o‘zgarmay qoldi va kataloniyaliklar o‘z hisobiga navbatdagi uch ochkoni qo‘shib qo‘yishdi.
Malaga – Barselona 0:2 (0:2)
10 marta, «La Rosaleda»
Gollar: 0:1 – 15 Suares, 0:2 – 28 Koutinyo.
Malaga – Roberto, Ernandes, Rikka, Rosales, Mikel, Samu, Iturra, Lasen, Chori Kastro (Lestyenn, 61), Rolan (Saksess, 78), En-Nesiri (Ideye, 78).
Barselona – ter Stegen, Umtiti, Pike, Alba (Din, 77), Serdji Roberto (Andre Gomesh, 74), Paulinyo, Buskets, Koutinyo, Rakitich, Dembele (Aleish Vidal, 85), Suares.
Ogohlantirishlar: Iturra (49), Suares (84).
Chetlatish: Samu (30).
