«Liverpul»ning sobiq futbolchisi, ayni vaqtda Sky Sports telekanalida ekspert sifatida ishlab kelgan Jeymi Karrager «Manchester Yunayted» fanati va uning 14 yoshli qizi bilan sodir bo‘lgan hodisa tufayli ishdan bo‘shatildi. Bu haqda Sky Sports xabar tarqatdi.
10 mart kuni o‘tkazilgan «MYU» — «Liverpul» (2:1) o‘yinidan keyin mankunianliklar jamoasi muxlisi avtomashinasida Karragerning avtomobilini yoniga kelib, unga hayqira boshlashgan: «Jeymi, 2:1». Bunga javoban Karrager oynani ochgan va yondagi mashinaga qarata tupurgan. Fanatning so‘zlariga ko‘ra, Karragerning tupugi uning 14 yoshli qizi yuziga tekkan.
Karrager keyinroq muxlis va uning qizidan uzr so‘radi, ammo Sky Sports «Liverpul»ning sobiq futbolchisini kechirmadi.
