“Barselona” klubi bosh murabbiyi Ernesto Valverde “Chelsi”ga qarshi o‘yindan so‘ng o‘z fikrlarini bildirib o‘tdi.
“O‘yin qiziqarli voqealarga boy bo‘ldi. “Chelsi”ning ko‘plab futbolchilari o‘zlarini yaxshi taraflarini ko‘rsata olishdi. O‘yin ajoyib ruhda o‘tdi.
Birinchi bo‘limda ular darvoza to‘sinlariga ikki marta zarba berishdi, ammo o‘yinni asosan biz nazorat qila oldik. Bugun biz ham yaxshi o‘ynadik deya olamang, lekin raqib juda ham xavfli edi.
Bora-bora ustunlikni qanday ushlab turish kerak ekanligini tushunib yetdik. Hakam hushtagi chalinguniga qadar qiyinchiliklarga ro‘baro keldik.
“Chelsi” kuchli jamoa va tarkibida kuchli futbolchilar borligini bugun isbotlab berdi. Messining borligidan xursandman, U istagan vaqti gol urishi va jamoaga yordam bera olishi mumkin”, - deydi Valverde.